Ta ein titt på denne lenkja! Stakkars jente som har late seg intervjue om kulturpolitikk. Journalisten har kanskje ikkje visst kva han gjorde, han heller?

http://twitpic.com/hp4f8

Her er ei lenke til informasjon om disputasen min den 7. november. Emnet angår alle: metaforar om kommunikasjon i lærebøker. Her tek eg for meg både kvardagsspråket og fagspråket vi bruker om kommunikasjon.

Eg vil gjerne mange tilhøyrarar. Etter disputasen blir det servering av forfriskningar i foajeen på Helga Engs hus på Blindern. Der kjem du sikkert til å treffe kjentfolk.

http://www.hf.uio.no/disputaser/2008/askeland

Eg har no lagt ut to nye oppskrifter under God mat, ei om kylling og ei om brød. Prøv, og gje meg gjerne tilbakemelding.

Eg øver og øver på å blogge for å sikre at eg ikkje gløymer kunsten. Eg har forresten lagt ut oppskrift på eplekake under sida God mat. Fleire oppskrifter kjem…

Det var fint å finne igjen bloggen sin. Eg har ikkje hatt tid til å skrive her på lenge, blant anna fordi eg har halde på med å skrive ei avhandling om metaforar. Avhandlinga er levert, og er blitt godkjend, så no blir det disputas 7. november. Det blir spennande! Alle som les dette, er velkomne til disputasen. Eg kjem tilbake med opplysningar om tid og stad.

Som de ser, har eg no greidd  å legge inn eit bilde. Bildet er i alle fall ti år gammalt. Dette til orientering.

Dte går ikkje akkurat fort framover med denne bloggen. Snart skal eg få lagt inn sider og få henta inn stoff frå nettsida mi. Det skal bli betre…

Den som er interessert i å lese ein god tekst om eit menneske, kan lese teksten “Det mennesket gløymer eg aldri” av Einar Økland. Der kombinerer han eiga erfaring som sjukepleiar med tankar om galskapens vesen, og det på ein poetisk måte. Det interessante med teksten er at  vi ikkje veit om den er sann eller oppdikta. Mange av skrivestrategiane peikar mot at teksten er opplevd, men  på den andre sida er teksten ein pastisj over tekstar som var på trykk i magasinet Det Beste, med tittelen “Det mennesket gløymer eg aldri.” Det fekk meg til å tenkje p åat Eva og eg skriv ei bok saman om kysset i eit semiotisk perspektiv. Er det nokon der ute som har ei god forteljing om kyssing? Det treng ikkje nødvendigvis vere Mitt første kyss, som i Romantikk og Love ein gong i tida. Men noko som inneheld både forteljing og tankar om kyssing. Du treng ikkje skrive under fullt namn.

Welcome to WordPress.com. This is your first post. Edit or delete it and start blogging!